Foto: la vecchia canonica di Casalserugo negli anni 50/60 del secolo scorso
Di Ignazio Canesso
Oggi questi racconti sembrano favole o cose da non credere, ma nei primi anni Cinquanta del secolo scorso le cose stavano così.
La promiscuità tra ragazzi e ragazze finiva ala scuola elementare. A quindici anni si cominciava a provare qualche seria simpatia verso una ragazza; penso fosse una cosa normale, ma il problema era quello di avvicinarsi.
I giovani soprattutto del mondo agricolo, avevano pochissime occasioni di incontrarsi se non quando si frequentava la chiesa. Quasi ci si innamorava senza mai parlare assieme, si cercava uno sguardo un sorriso…
Tutto succedeva "all'ombra del campanile" e della canonica.
LA VECIA CANONICA
Te si massa granda e in vista
parchè no te possi essere vista.
Passandote davanti provo amaressa
consà co 'na bela dose de tristessa.
Pensando a quelo che te ghè contà
par noaltri tosi (de alora) e par la comunità,
Te jeri el nostro punto de incontro
no ghe jera patronato, solo ostarie e gnente altro.
Nel'Assion catolica deli ani Sinquanta
zente che girava ghe ne jera tanta.
Jera belo a la sera incontrarse
e tante nostre robe contare.
A chel'ora tose in giro no ghe ne jera,
ma l'argomento tegneva banco tuta la sera.
Tegnendo sconta qualche sinpatia
anca se’l contegno e la vosse tradìa.
Par de pi 'ste tose le jera paesane,
se savea tuto parfin se le jera sane.
Parlavino insieme de scondon.
El capelan vegnea saverlo in ogni ocasiòn.
Tute le robe inportanti vegnea decise in canonica
parfin quele che intaressava la vita economica.
Vegnea fata parfin la lista dei consilieri:
el paroco pa’l comune gavea anca 'sti pensieri.
In sofita ghe jera el granaro
e zo, in parte, anca el ponaro.
Fruto de le serche del formento e del formenton
e a la sera noaltri tosi svodàvino el caretòn:
Co on saco in spala
su par quela longa scala.
E se ghe jera on avenimento inportante
la serviva anca da ristorante:
In parte ghe jera on cusinon
in centro on grande salòn,
I coghi speciaisà cusinava
e in alegria se magnava.
Questo sucedea a la messa de on prete novelo
ma anca par altre ocasion jera belo.
A ch'el tempo el balon el jera el primo divertimento,
El paroco me gha dà el brolo parchè fasèssimo el canpeto.
Drento a 'sta canonica par fin 'na saleta
la servia pa despojarse e vestirse
e mètarse la nostra bela majeta.
Questo jera l'impegno e le condission:
còrare, divertirse, no parlare male
e non zogare de domenega a l'ora de le funssion.
No podemo desmentegarse de 'sti preti:
don Luigi Gastaldelo e don Piero so nevodo,
che a volte semo bravi a sercarghe i difeti.
Tante robe ghe sarìa oncora da ricordare
ma bisogna anca saverse fermare.
Cara canonica cossì recintà e pericolante,
digo la verità: provo amaressa veramente,
Te fè pena come uno in agonia
ma spero senpre... e te sogno co sinpatia.
