Mercoledì 8 ottobre 2025, un pezzo di storia ha riacquistato vita nel cuore del paese: il capitello storico è stato riportato al suo antico splendore grazie a un attento restauro e a una nuova collocazione nella suggestiva piazza Santa Maria degli Angeli. Questo evento non è solo un momento di celebrazione, ma un profondo segno di rinascita e riscoperta delle radici culturali della comunità.
I CAPITEI DELA NOSTRA PAROCHIA DE CASALSERUGO
di Ignazio Canesso
Tanto tenpo indrio gò scrito
ch’el capiteo de la me vecia contrà
el xe el pi beo e anca el pì venerà.
Parchè ghe ze la statua de Santantonio
che par tanti de devossion el ze on patrimonio.
Ma questo che ze in via Sperona,
no’l fa concorensa a la Madona.
Parchè Ela la ze la regina de tuti i santi
e i so capitei supera i altri tutiquanti.
E tra publichi e privati
ghe ne ze propio tanti.
Ma i tre pi veci li vojo nominare,
parchè ze ben podersene ricordare:
Queo de via Cà Feri senpre ben inpiturà
Co tanti bei fiori e tanto onorà
Queo de via Gruato o Madona del capeo
Co na statua tanto inportante e beo
Questo nei ani setanta ‘l jera in meso la strada,
el fazea anca da spartitrafico dea contrada.
Co ze stà slargà che l’incrocio pericooso
ze sta fato on gesto poco decoroso:
Sensa cativeria ma co tanta legeressa,
la statua la xe sta posà in fosso, che tristessa
Dèsso la xe ben colocà,
anca questa tanto onorà.
El terso el pi vecio ma queto se sà,
el ze sta el pèso tegnuo e mae conservà
Anca questo ‘l jera so on incrocio pericooso
Podeva sucedare qualche incidente doloroso.
Messo de fianco a la strada Padova – Boenta,
imèso via Sperona a fare crosara lenta.
Co se fazeva la processsion religiosa,
se ghe girava torno e se tornava in cesa.
Pure questo, co ze sta slargà la strada,
ze stà pensà de darghe na giusta colocada.
E dopo discussion, el ze sta, sistemà
dove dal 1954, el ze sta fin 15 anni fà.
Po nei anni otanta xe stà eliminà la pesa,
anca la ghe ze stà qualche contesa:
Parchè sto capiteo; co ze stà alsà la piassa,
el ze stà on poco sepeio e la statua pi bassa.
Dopo ghe ze stà fata poca manutension,
e cossi che el ze sta propio in abandon
Qualchedun anca se in ritardo,
gavea fato notare stò fato al riguardo
Ma oncora sto capiteo in piassa intrigava
Dopo varie protste sta Madona, riposo la catava.
Ma anca qoesta no la ze sta na selta che durativa
Ghe voeva la piassa nova par na selta definitiva
Cossi sto Capiteo dopo tanto el ze ritornà a brillare
E la nostra comunità, orgoliosa, la savarà onorare.
VERAMENTE BEO CO LE SO TRE COLONE, E SPLENDENTE
STA VOLTA PENSO CHE SIA CONTENTA TUTA LA ZENTE.
